Home » Politike » Thaçi e Meta harrojnë “përplasjet” për kufijtë e Kosovës, takohen në Gjermani

Thaçi e Meta harrojnë “përplasjet” për kufijtë e Kosovës, takohen në Gjermani

by Thashetheme VIP

Presidenti Ilir Meta ka takuar homologun e tij të Kosovës, Hashim Thaçi gjatë një samiti në Gjermani. Thaçi njofton në Facebook se vizitën e tij në Samitin e Mynihut në Gjermani e nisi me takimin me presidentin Meta.

“Takimin e parë në Konferencën e Sigurisë në Munih e zhvillova me Presidentin e Shqipërisë, Ilir Metën. Në prag të 11 Vjetorit të Pavarësisë, e falenderova presidentin Meta dhe Shqipërinë për kontributin e jashtëzakonshëm për lirinë dhe pavarësinë e Kosovës”, ka shkruar presidenti.

Së fundmi dy presidentët kanë pasur qëndrime të kundërta lidhur me ndryshimin e kufijve në Ballkan. Thaçi si ideator i ndryshimit të kufijve me Serbinë, ka promovuar këtë mënyrë, si të duhurën për të arritur marrëveshjen me shtetin serb.

Ndërkaq, Meta në disa deklarime të tij publike është shprehur kundër një ideje të tillë. Ai madje ka refuzuar të dekretojë Gent Cakajn si ministër të Jashtëm të Shqipërisë për shkak të një interviste të tij, ku ishte shprehur pro korrigjimit të kufijve, duke e quajtur një deklarim të tillë si të rrezikshëm.


Ju luten na ndiqni ne rrjetin tone ne facebook.
Klikoni me poshte per te na ndjekur : https://www.facebook.com/thashethemevip/

Artikuj të ngjashëm:

Do NOT follow this link or you will be banned from the site!