Home » Sport » Sanchez: Askund në botë s’mund ta gjeni diku si Lukaku

Sanchez: Askund në botë s’mund ta gjeni diku si Lukaku

by Thashetheme VIP

Sulmuesi i Manchester Unitedit i huazuar në Inter, Alexis Sanchez, thotë se askush në botë nuk është si Romelu Lukaku, i cili është futbollisti më i shtrenjtë në skuadrën e zikaltërve.

Romelu Lukaku iu bashkua Interit gjatë afatit kalimtar të kësaj vere nga Manchester Unitedi, transmeton Gazeta Express.

26-vjeçari veçse i ka shënuar dy gola në dy ndeshje të zhvilluara për Interin e Antonio Contes, që këtë sezon e ka synim t’i marrë titullin e kampionit të Italisë Juventusit.

Sanchezi e ndoqi Lukakun në Inter nga Manchester Unitedi në formë huazimi dhe kiliani e lavdëroi ish-bashkëlojtarin e tij.

“Nuk do ta gjeni askënd tjetër si ai, askund në botë”, tha Sanchezi në një intervistë të dhënë për ESPN FC.

Dyshja u përball me disa vështirësi në Old Trafford, pasi që trajneri Ole Gunnar Solskjaer preferonte të luante me lojtarë të tjerë në vend të atyre të dyve.

“Lukaku dhe unë u stërvitëm shumë mirë. Por, neve na nevojiteshin më shumë ndeshje për ta arritur nivelin tonë më të mirë. Nuk ishte koha e duhur për ne që të jemi në Manchester”, shtoi Sanchezi.

“Kishte shumë ndryshime. Kur kalon nëpër aq shumë ndryshime, është e vështirë. Unë dhe Lukaku u stërvitëm shumë mirë. Këtu e kemi vullnetin për të arritur. Kjo është arsyeja pse unë dhe Romelu jemi këtu”.


Ju luten na ndiqni ne rrjetin tone ne facebook.
Klikoni me poshte per te na ndjekur : https://www.facebook.com/thashethemevip/

Artikuj të ngjashëm:

Do NOT follow this link or you will be banned from the site!