Home » Aktualitet » Me 15 emra e 17 milionë euro të grabitura, kush është Admir Murataj

Me 15 emra e 17 milionë euro të grabitura, kush është Admir Murataj

by Thashetheme VIP

Sapo u mësua se një tjetër grabitje kishte ndodhur brenda Aeroportit të Rinasit, emri i parë që u mendua si organizator ishte Admir Murataj. Dhe rezultoi i vërtetë. Truri i grabitjes së dytë brenda Rinasit, ishte pikërisht Admir Murataj. Në tentativë për ti shpëtuar nddjekjes së FNSH, Admir Murataj u vra nga Policia. Nga Greqia në Shqipëri, Admir Murataj është një emër i njohur për bankat.

Murataj rezulton se ka 15 emra të ndryshëm, ndërsa është arratisur në vitin 2013 nga burgu i Trikallas në Greqi. Në atë kohë Admir Murataj sapo kishte grabitur një bankë në Greqi dhe akuzohej për disa vepra penale, nga vjedhja, te plagosja dhe vrasja. Por duket se arratisja nga burgjet greke bëri që Murataj të përqëndrohej në grabitjen e bankave dhe blindave me para në Shqipëri.

Ngjarja e parë për të cilën akuzohet grupi i Admir Murataj, ndodhi në vitin 2015 pranë stacionit të trenit në Tiranë, ku në një bankë të nivelit të dytë u vodhën me armë 900 mijë franga, 800 mijë paund dhe 16 mijë euro. Pak muaj më vonë rreth 2 mln paund, 800 mijë dollarë dhe sasi të tjera valute u vodhën pranë kthesës së Kasharit.

Ngjarja e tretë për të cilën akuzohen të pandehurit ndodhi pranë Rinasit gjatë transportimit të parave me makinën e policisë privatë, ku u rrëmbyen në automjet thasët me 2 mln e 400 mijë euro, 200 mijë dollarë dhe valuta të tjera.

Zbulimi i serisë së autorësisë së grabitjeve u bë në shkurt të 2017, ku policia dhe Prokuroria arrestuan anëtarët e bandës, të cilëve iu gjetën edhe një pjesë të shumave të vjedhura. Kartëmonedhat ishin groposur në tenxhere, por edhe ishin fshehur në mënyrë origjinale në vende të tjera, duke u futur me qese në frigorifer.

Pas këtyre grabitjeve Admir Murataj nuk u tërhoq. Një ditë më parë ai organizoi grabitjen e 10 milionë eurove brenda Rinasit, por u vra nga Policia në momentin që po arratiseshin.


Ju luten na ndiqni ne rrjetin tone ne facebook.
Klikoni me poshte per te na ndjekur : https://www.facebook.com/thashethemevip/

Artikuj të ngjashëm:

Do NOT follow this link or you will be banned from the site!