Home » Sport » Kombëtarja mbërrin në Frankfurt, bashkatdhetarët “i zënë pritë” në Koln

Kombëtarja mbërrin në Frankfurt, bashkatdhetarët “i zënë pritë” në Koln

by Thashetheme VIP

Kombëtarja Shqiptare ka fluturuar paraditen e kësaj të diele drejt Gjermanisë, pikërisht në Frankfurt, ku do të vijojë përgatitjet për ndeshjen me Islandën, në Rekjavik, më 8 qershor, në kuadër të eliminatoreve të “Euro 2020”, ndërsa më 11 qershor, në Elbasan Arena”, do të presë Moldavinë.

Në orën 10:00, ekipi dhe stafi që e shoqëron, lanë pistën e Rinasit me një avion të kompanisë “Eurokoha”.

Dy orë më pas, skuadra ka mbërritur në aeroportin e Kolnit. Pas procedurave rutinë, ekipi është nisur drejt Frankfurtit. Rrugës u ndal për të konsumuar drekën në në një restorant të njohur të zonës.

Duke qenë se kjo drekë ishte programuar më parë, disa bashkatdhetarë së bashku me fëmijët e tyre, shfrytëzuan rastin për të takuar ekipin kombëtar.

Pas kësaj ndalese skuadra vazhdoi udhëtimin për në Frankfurt dhe u akomodua në hotel Rilano, ku do të qëndrojë deri mëngjesin e datës 7 qershor, kur do te niset për Rekjavik.


Ju luten na ndiqni ne rrjetin tone ne facebook.
Klikoni me poshte per te na ndjekur : https://www.facebook.com/thashethemevip/

Artikuj të ngjashëm:

Do NOT follow this link or you will be banned from the site!