Home » Sport » Kluivert injoron Messin dhe Ronaldon: Ja golashënuesi më i mirë në botë!

Kluivert injoron Messin dhe Ronaldon: Ja golashënuesi më i mirë në botë!

by Thashetheme VIP

Trajneri aktual i Kamerunit, Patrick Kluivert, ka thënë në një intervistë për “360 Sport” se ka shumë admirim për kampionin e ri botëror, Kylian Mbappé. Madje, ish-sulmuesi i njohur holandez konstaton cilësi të përsosura te 20-vjeçari, që të jetë golashënuesi më i mirë sot për sot. Ish-lojtari i Ajax, Milan, Barcelona dhe PSV tregon se cilat janë kërkesat themelore për të qenë një golashënues i madh: “Shënimi i golave është 70% instinkt natyror, 30% të tjera lidhen me të mësuarit në stërvitje, si dhe mënyrën e orientimit në fushë, ku e kërkoni topin, ose si komunikoni me shokët”. Edhe pse Kluivert e pozicionon Mbappé në vendin e parë, ai, gjithashtu, ka nënvizuar sulmues të tjerë të mëdhenj, si Marcus Rashford dhe Aubameyang. Në rastin e Rashford, holandezi guxon ta rekomandojë atë si një zëvendësues të mundshëm për Luis Suárez te Barcelona, duke iu referuar shpejtësisë dhe lehtësisë së tij në shënimin e golave. Ndërsa Leo Messi dhe Cristiano Ronaldo janë pothuajse çdo javë duke e dërguar topin në rrjetë, Kylian Mbappé është lojtari më i rëndësishëm në këtë “shkallëzim”, sipas holandezit. “Për mua, golashënuesi më i mirë sot për sot është Mbappe”, – pohon Kluivert, për të cilin francezi i ka të gjitha cilësitë për t’u kurorëzuar si golashënuesi më i mirë i futbollit aktualisht. Kylian Mbappé u bë lojtari më i ri, që shënon tetë gola në Champions, me vetëm 18 vite e nëntë muaj mbi supe, një shifër që Messi e arriti në moshën 20 vjeç e shtatë muaj. Aktualisht, talenti francez ka 18 gola në Ligue 1 dhe 3 gola në Champions.


Ju luten na ndiqni ne rrjetin tone ne facebook.
Klikoni me poshte per te na ndjekur : https://www.facebook.com/thashethemevip/

Artikuj të ngjashëm:

Do NOT follow this link or you will be banned from the site!