Enada në ditët e fundit të shtatzënisë, ende në punë
Posted on January 28, 2008 - Filed Under VIP Shqiperia | 
Dërgoja një miku
Ndodhet në ditët e fundit të sh tatzënisë, duke pritur me padurim lindjen e bebes. Enada Hoxha, balerina e mirënjohur mezi po pret çastin që të shohë djalin e saj. Edhe pse me lutjet e herëpashershme të bashkëshortit për të mos lëvizur më nga shtëpia, pasi lindja pritet nga momenti në moment, Enada vazhdon të shkojë në punën e saj të përditshme në Teatrin e Operas dhe Baletit.
Ajo drejton koreografi të ndryshme në përgatitje të koncerteve që realizohen nga ky institucion. Pas përfundimit të Gala-së në TKOB, e cila rezultoi me mjaft sukses, Enada po përgatit koreografinë e një tjetër numri, me të njëjtin përkushtim dhe ambicie për të parë ‘nxënësit’ e saj lart e më lart. “Jam në pritje nga momenti në moment.
Bebi mund të lindë ndoshta edhe sot. Mezi po pres ta shoh”, - kështu shprehet Enada Hoxha e pyetur nga “Bluetooth”. Ajo rrëfen gjithashtu se emrin e djalit çifti e ka zgjedhur, por për supersticion nuk duan ta bëjnë të ditur, gjithçka do të jetë një surprizë e bukur, porsa djali të shohë dritën. Po kështu edhe Gerti, tek i cili nuk ka vështirësi për të kuptuar kënaqësinë që po i fal fëmija i parë që po pagëzon martesën e tyre, njëkohësisht dhe lidhjen shumëvjeçare që ekziston mes të rinjve.
Burimi: Gazeta Shqiptare
 |
Lexoni Komentet
Komento
